Family lover

သမီးဟာ အခုဆိုရင် ပညာလည်းစုံပြီ။ အလုပ်လည်း ရပြီ။ ကိုယ့်ခြေထောက်ပေါ်
ရပ်တည်နိုင်ပြီ။ ဒီတော့့ ... အိမ်ထောင်ပြုဖို့ပဲ ကျန်တော့တယ်။ မိဘတို့
၀တ္တရားရှိတာနဲ့ အညီ ဖေဖေတို့ စီစဉ်ထားတယ် သမီး ဒါပေမယ့်လည်း သမီးမှာ
ရည်မှန်းထားတဲ့ သူရှိရင် ဖေဖေ့ကို ပြောလေ ။ ဖေဖေတို့ ညှိကြတာပေါ့ ..
သမီးမှာ ရည်မှန်းထားတဲ့သူ ရှိပါတယ် ဖေဖေ။ သမီး သူ့ကိုပဲ လက်ထပ်ချင်တယ်..
သမီးသူ့ကိုပဲ နှစ်သက်တယ်ဆိုရင်တော့ ဖေဖေက သမီးဘက်ကလိုက်ပြီး
စဉ်းစားပေးမှာပေါ့ ..ကဲ ... သူ့အကြောင်းကို သမီးကစပြော..။
သူ့ နာမည် .. အောင်စိုးမိုး .. အသက်က သမီးနဲ့ ရွယ်တူ။ သမီးနဲ့
မေဂျာတူတူပဲ။ ဘွဲ့ရပြီးပြီ..။ အလုပ်ရှာဖွေနေဆဲပါ..။
ကောင်းပြီ သမီး... သမီးချစ်သူဟာ သမီးခင်ပွန်းဖြစ်သင့် မဖြစ်သင့် ဖေဖေတို့
ဆွေးနွေးရအောင်။ သမီးအနေနဲ့ အိမ်ထောင်ပြုခြင်းရဲ့ ရည်မှန်းချက်ဟာ ဘာလဲ?
သိပ်ချစ်လို့ လက်ထပ်ချင်တာပဲ မဟုတ်လား ဖေဖေ..။
သမီးအဖြေဟာ သိပ်မမှန်ဘူး။ အိမ်ထောင်ပြုခြင်းရဲ့ ရည်မှန်းချက်ဟာ တစ်ဘဝလုံး
လက်တွဲသွားရမယ့် ဘဝအဖော်မွန်ကို ရွေးချယ်သတ်မှတ်လိုက်ခြင်းပဲ။
မျှော်လင့်ခြင်းကတော့ ဘဝခရီးကို ပျော်ပျော်ရွင်ရွင်နဲ့ တစ်ဘဝလုံး
လက်တွဲသွား နိုင်မယ်လို့ မျှော်လင့်ထားတာပဲ မဟုတ်လား..။
ဒါဆို .. သမီးချစ်သူဟာ သမီးရဲ့ ဘဝကြင်ဖော် မဟုတ်ဘူးလား ဖေဖေ..။
တစ်ခါတရံမှာ ချစ်သူနဲ့ ဘဝကြင်ဖော်ဟာ တစ်ယောက်တည်း ဖြစ်မနေတတ်ဘူး သမီး။
အချစ်ဆိုတာ စည်းကမ်းမရှိဘူး. ကောင်းကောင်းဆိုးဆိုး သူချစ်ချင်တာ
ချစ်တာပဲ.။ ဘဝကြင်ဖော် ရွေးတဲ့ နေရာမှာတော့ စည်းကမ်းရှိရတယ်။ ဒါမှ
တစ်ဘဝလုံး သာယာမှာ။ ကိုယ်ကချစ်ပေမယ့် ကိုယ့်ဘဝနဲ့ မကိုက်ညီ
မဆီလျော်ဘူးဆိုရင် ဘယ်လောက်ပဲ ချစ်ချစ် လက်မတွဲသင့်ဘူး..။
ဘာကို ဆိုလိုတာလဲ ဖေဖေ..။
ဥပမာ လွယ်လွယ်လေးပြောရရင် ချမ်းသာတဲ့မိဘကဆင်းသက်လာတဲ့ တက္ကသိုလ်က
ဆရာမတစ်ယောက်က ဘဝကြမ်း နှုတ်ကြမ်းတဲ့ ကားစပယ်ရာ ကောင်လေးကို ချစ်လွန်းလို့
လက်ထပ်ယူရင် သူတို့ ဘဝ အဆင်ပြေမယ်လို့ သမီးထင်လား.။
တစ်ယောက်ကိုတစ်ယောက် တကယ်ချစ်ကြလို့ ယူကြမယ် ဆိုရင်တော့ အဆင်ပြေမယ်လို့
သမီးထင်တယ်..။
သမီးရယ်.. အချစ်ဆိုတာ အင်မတန်နူးညံ့တဲ့ ခံစားမှုတစ်မျိုးပါ။ သူ့ကို
အားကိုးပြီး မယုံစားချင်ပါနဲ့။ ပြီးတော့ အချစ်ဆိုတာ အင်မတန် သဘောလွယ်ပြီး
စိတ်ကောက်တတ်တဲ့ မိန်းကလေးနဲ့လည်း တူတယ်။ ကိုယ့်စိတ်နဲ့ သဘောမတွေ့ရင်
ချက်ခြင်းစိတ်ပြောင်းသွားတယ်။ ကိုယ်လိုချင်တာ မရရင်လည်း မချစ်တော့ဘူး
ဖြစ်ပြန်ရော။ ကိုယ်ဖြစ်ချင်တာ မဖြစ်ရရင် စိတ်နာပြီး မချစ်တော့ဘူး
ဖြစ်ပြန်ရော ။ တိုတိုပြောရရင် အချစ် ဆိုတာ လူတစ်ယောက်ရဲ့ အတ္တစိတ်အတိုင်း
အရောင်ပြောင်းသွားမှာ သမီးရဲ့။ အခု .. သမီးကို ချစ်တယ် ကြင်နာတယ်
တဖွဖွပြောနေပေမယ့် .. သူမကြိုက်တာတစ်ခုကို သွားလုပ်မိတာနဲ့ ချက်ခြင်းပဲ
ဒေါသတွေ မာနတွေပေါက်ကွဲပြီး ဆဲဆိုအော်ဟစ် ဆူပူကြိမ်းမောင်း ပြစ်တင်ဖို့
၀န်မလေးတတ်ဘူး.။ လူတစ်ယောက်ရဲ့ အကြိုက်ကို အမြဲတမ်းလိုက်လုပ်ပေးဖို့
မလွယ်ဘူး ဆိုတာ သမီးသိပါတယ်.။ သမီး သဘောပေါက်မယ် ထင်ပါတယ်နော် ..။
ဟုတ်ကဲ့ ... သမီး နည်းနည်းတော့ သဘောပေါက်လာပါပြီ ။ ကိုယ်ချစ်တဲ့
သူတိုင်းကို လက်ထပ်ဖို့ မဆုံးဖြတ်ရဘူးပေါ့နော်..။
ဟုတ်တယ် ..သမီး။ အသဲနှလုံးရဲ့ ဆန္ဒ အရ ဘယ်သူ့ကို မဆို ချစ်နိုင်ခွင့်
ရှိပါတယ်။ ဒါပေမယ့် ဘဝအဖော် အဖြစ်လက်တွဲတဲ့ အခါမှာတော့ အတ္တ
သိပ်ကြီးတဲ့သူကို မရွေးမိဖို့ အရေးကြီးတယ်။ အဲဒီလူကို
သမီးရွေးချယ်မိခဲ့ရင် တစ်သက်လုံး စိတ်ဆင်းရဲရမှာပဲ။ ချမ်းသာသည်ဖြစ်စေ၊
ဆင်းရဲသည်ဖြစ်စေ၊ သူတစ်ပါးကို လေးစားချစ်ခင်တတ်တဲ့သူ ၊ စာနာစိတ်
ကြင်နာစိတ် ရှိတဲ့သူ ကိုယ့်အတ္တထက် သူတစ်ပါးဆန္ဒကို
ပိုဦးစားပေးတတ်တဲ့သူမျိုးကို ရွေးချယ်မှ သမီးအတွက် ၅၀% စိတ်ချရမယ်..။
၅၀% ပဲလား ဖေဖေ..။
ဟုတ်တယ် သမီး ..။ ကံကြမ္မာက ၂၅% ။ သမီးဘက်က ဆက်ဆံရေးက ၂၅% ။တကယ်လို့ သမီးက
ချမ်းသာတဲ့ သူမျိုး ရာထူးကြီးတဲ့ သူမျိုး မိဘ အရှိန်အဝါရှိတဲ့ သူမျိုးကို
နောင်ရေးကို မျှော်တွေးပြီး ရွေးချယ်လိုက်လို့ အဲ့ဒီသူဟာ ကိုယ့်ကိုကိုယ်
အထင်ကြီးပြီး သူတစ်ပါးကို အထင်သေးတတ်တဲ့ အတ္တကြီးတဲ့ သူမျိုးဖြစ်နေရင်
မျက်ရည်နဲ့ မျက်ခွက် ဆိုသလိုမျိုးဖြစ်နေလိမ့်မယ်..။
ဒီလိုဆို ကိုယ်နဲ့ အဆင့်အတန်းတူ သဘောကောင်းတဲ့သူမျိုး ရွေးရမှာလား
ဒီလိုမျိုး မဟုတ်သေးဘူး သမီးရဲ့ .. တစ်အချက်က သမီးအပေါ်တန်ဖိုးထား
လေးစားချစ်ခင်မြတ်နိုးတဲ့ သူဖြစ်ရမယ်.. နှစ်အချက်က ဘဝတန်ဖိုးကို သိပြီး
အချိန်ကို အကျိုးရှီရှိ အသုံးချတတ်တဲ့ သူမျိုးဖြစ်ရမယ် ..။ သုံးအချက်က
သူတစ်ပါး အပေါ်အကောင်းမြင်စိတ်ထားပြီး အများအကျိုး ဆောင်ချင်သူ ဖြစ်ရမယ်..
လေးအချက်က တရားဓမ္မအပေါ်သက်ဝင်ကိုင်းညွှတ်ပြီး စိတ်နှလုံး
သိမ်မွေ့သူဖြစ်ရမယ်။။ အဲဒီအချက်တွေ ပြည့်စုံရင် သမီးရဲ့ ဘဝအဖော်မွန်
အဖြစ်ရွေးလို့ ရပါပြီ..။
အဲဒီ အချက် ၄ ချက်စလုံး ပြည့်စုံတဲ့သူကို ရှာဖွေ မတွေ့ခဲ့ရင်
သမီးဘာလုပ်ရမလဲ ဖေဖေ ။။
စိတ်ရှည်လက်ရှည် ရှာဖွေရမှာပေါ့ သမီးရယ် ဘယ်အချိန်မှာပဲ
အိမ်ထောင်ပြုရမယ်လို့ နှစ်ကန့်သတ်ချက်မှ မရှိတာ ။ သမီးမှာ အဲ့ဒီ
အရည်အချင်းပြည့်စုံတဲ့ ချစ်သူမျိုးရှိပြီးလား..။
သမီး ပြန်ဆန်းစစ် ရဦးမယ် ဖေဖေ။ သူ့ကိုချစ်တော့ ဒါတွေကို ဘာတစ်ခုမှ သမီး
သတိမထားမိခဲ့ဘူး..။
Love is blind တဲ့ သမီး။ အချစ်ကြောင့် အသိဉာဏ်တွေ မကန်းပါစေနဲ့ကွယ်။
ဖေဖေကတော့ သမီးလေးရဲ့ ဘဝအဖော်မွန်ကို အဲ့ဒီအချက်တွေနဲ့ ပြည့်စုံသူပဲ
ဖြစ်စေချင်တယ်..။
သမီးကြိုးစားပါ့မယ် ဖေဖေ..။
သာဓုကွယ် .. သာဓု.. သာဓု..။
ဆရာကောင်းသန့် ရေး ချစ်သူ့အကြောင်း စာအုပ်မှ ကူးယူဖော်ပြပါသည်...

A
Air

B
Backbone

C
Cheat

D
Dead

E
Eighty-six

F
Filthy

G
Green Light

H
High

I
ID

J
John

K
Kick back

L
Low down

M
Monkey

N
Number

O
Old

P
Power

Q
Question

R
Roaring

S
Snoot

T
Twist

U
Uncle

V
VIP

W
Woman

X
X

Y
Yesman

Z
Zero-Sum Game

မင်းသိပ်နှောင့်နှေးနေလို့
မင်းဘဝယိုယွင်းပျက်စီးသွားရတယ်
မင်းသိပ်အလျှင်လိုနေလို့
ကံကောင်းမှုတွေ ကုန်ဆုံးရတယ်
မင်းသိပ်စွဲမြဲနေလို့
မင်းဆုပ်ကိုင်ထားတာတွေ လွတ်သွားရတယ်
(Francois Villon)

မိဘတွေဟာ သားသမီးတွေဆီက လိုချင်တဲ့အရာ (၅) ပါးရှိပါတယ်...၊

• ငါတို့သားသမီးသည် ငါတို့အိုမင်းသောအခါ ငါတို့အား ပြုစုလုပ်ကျွေးကြလိမ့်မည်။
• ငါတို့၏ အမှုကိစ္စကို ပြုလုပ်ပေးကြလိမ့်မည်။
• ငါတို့၏ အမျိုးအနွယ်ကို ကြာရှည်တည်တံ့အောင် ပြုလုပ်ကြလိမ့်မည်။
• ကွယ်လွန်ပြီးသည့်နောက်၌လည်းငါတို့၏ အမွေခံအဖြစ် ကျန်ရစ်ကြပေလိမ့်မည်။
• ဘဝတစ်ပါးပြောင်းသွားသောအခါ၌ ငါတို့အားအလှူ၏အဖို့ကို အမျှဝေကြပေလိမ့်မည်။
  

"will power ဆိုတာ အဓိဋ္ဌာန်ခိုင်မာတာကို ပြောတာ၊ ဘယ်အလုပ်တစ်ခုကိုတော့ဖြင့် ငါလုပ်မယ်လို့ ဆုံးဖြတ်ထားရင် အဲဒါကိုပြီးမြောက်တဲ့အထိ လုပ်တာ will power ပဲ။ အဲဒီ will power မျိုးတော့ ငါ့မှာရှိတယ် ၊ငါ့ကိုယ်ငါ တာဝန်တစ်ခု အပ်နှင်းထားမယ်ဆိုပါတော့၊ အသေးအမွှားကိစ္စလို့ ငါသဘောမထားဘူး၊ ပြီးစီးအောင် လုပ်တယ်၊ ဘာကြောင့်လဲဆိုတော့အသေးအမွှားကိုမှ ပြီးစီးအောင်မလုပ်နိုင်ရင်အကြီးအမားကိစ္စ မှာငါ့ကိုငါ ဘယ်မှာယုံကြည်စိတ်ချ နိုင်ပါတော့မလဲ၊ ဥပမာ ဆိုပါစို့ ငါ့အိမ်ကနေ မြို့ ထဲသွားတဲ့အခါ လမ်းမှာတံတားတစ်ခု ဖြတ်ရတယ်၊ ဒီတံတားကို ဖြတ်တိုင်းမှာရေထဲကိုကျောက်တုံးတစ်လုံးစီ ရက်တစ်ရာတိတိ ချမယ်လို့ ငါဘာသာ အဓိဋ္ဌာန်ပြုထားတယ်ဆိုရင် ဒီတံတားကိုဖြတ်တိုင်းမှာကျောက်ခဲ တစ်လုံးတော့ ငါချတယ်၊ ခုနစ်ရက်မြောက်နေ့ မှာအမှတ်မဲ့ကျော်သွား မိတယ်ဆိုပါတော့ ၊ဟာ နောက်နေ့မှပဲ နှစ်လုံးချတော့မယ်ဆိုပြီးဆက်မသွားဘူး၊ ပြန်လှည့်လာပြီး ကျောက်ခဲတစ်လုံးချမယ်၊ ရက်နှစ်ဆယ်လောက်ရောက်တဲ့အခါ ၊ အာခတ်ရာ ဘာမှအဓိပ္ပါယ် မရှိပါဘူးကွာ၊ လုပ်မနေပါနဲ့၊ တစ်ရာသိပ်ပြည့်ချင်ရင်လည်း အဆုပ်လိုက်သာပစ်ချလိုက်စမ်းပါဆိုတဲ့အတွေးမျိုးဝင် မယ်ဆိုပါတော့၊ မရဘူး ငါလက်မခံဘူး၊ တစ်နေ့တစ်လုံးရက်ပေါင်းတစ်ရာအထိ ချမယ်လို့ ငါကိုယ်ငါ ကတိပေး ထားပြီးရင် တစ်နေ့တစ်လုံးရက်ပေါင်းတစ်ရာပဲ၊ သို့သော် တစ်ခုတော့ရှိတယ်၊ ကိုယ်သတ်မှတ်ထားတဲ့ကိစ္စကို ပြီးအောင် လုပ်ချင်သူဖြစ်တဲ့အတွက်ကိုယ့်ကိုကိုယ် သိပ်ခက်ခဲပင်ပန်းတဲ့ အလုပ်တွေ၊ လက်တွေ့မဖြစ်နိုင်တဲ့ လုပ်ငန်းမျိုးတွေ ခိုင်းလေ့မရှိဘူး၊ ငါကလွတ်လွတ်လပ်လပ်အေးအေးဆေးဆေးနေရတာကိုနှစ်သက်သေးတာကိုး။။ ဘေဘီလုံကအချမ်းသာဆုံးပုဂ္ဂိုလ်

လက်က တစ်ခုကိုုလုပ်ပြီး စိတ်က တစ်ခြားကိုတွေးနေတာမျိုးဟာ သေးနုပ်သိမ်ဖျင်းတဲ့ စိတ်ဓာတ်ရဲ့ အမှတ်လက္ခဏာ ဖြစ်တယ်။ဘာပဲလုပ်လုပ် ကိုယ်လုပ်နေတဲ့ အလုပ်ထဲ စိတ်ရောက်နေရမယ်။ စာကိုသင်အံ လေ့ကျက် နေတုန်းမှာ ကစားတဲ့ဆီကို စိတ်ရောက်မနေသင့်ဘူး။ ကစားနေတုန်းမှာလဲ စာထဲကို စိတ်ရောက်မနေသင့်ဘူး။ ဒီလိုမှမဟုတ်ဘဲ စာအုပ်ကို ရှေ့ ဖြန့်ချပြီး တခြားကိုစိတ်ရောက်နေရင် ကိုယ့်အဖို့ နှစ်ခါဒုက္ခရှာတာနဲ့ အတူတူပဲ။ ဘာဖြစ်လို့လဲဆိုတော့ နောက်တစ်ခါ ပြန်ဖတ်ရတော့မှာကိုး။

မင်းမိတ်ဆွေ အပေါင်းအသင်းကို ကူညီချင်တယ်ဆိုရင် ကူညီပါ...သို့သော် သူ့ကျောပေါ်က ၀န်ထုပ်ဝန်ပိုး ကိုကိုယ့်ကျောပေါ် ပြောင်းတင်တာမျိုးတော့ မဖြစ်စေနဲ့
ဘေဘီလုံ မှအချမ်းသာဆုံးပုဂ္ဂိုလ်

"အစ်မ ကော်ဖီတိုက် "
ထိုအခိုက်အတန့်တွင် သူမမျက်နှာ ဖြူရော်သွားသည်။ အသက်ရှုဖို့ပင် မေ့သွားလောက်အောင် မှင်တက်သွားသည်။ ဒီကမ္ဘာကြီးတွင် သူမ
မသိသော၊ မစဉ်းစားမိသော အကြောင်းအရာများ အသေအချာကို ရှိနေခဲ့ပြီ။ အမြဲတမ်း အနစ်နာခံခဲ့သူ တစ်ကြိမ်တစ်ခါ ငြင်းဆိုခဲ့လျှင် တစ်ဖက်မှလူသည် အများကြီးမျှော်မှန်းထားခဲ့သောကြောင့် ဖြစ်မလာသောအခါ ၀မ်းနည်းရတတ်ပေလိမ့်မည်။ အမြဲတမ်းရယူတတ်သောသူဆီ
မှ မည်သူတစ်ဦးတစ်ယောက်ကမျှ ရရစေကောင်းလို့ မျှော်လင့်လိမ့်မည်မဟုတ်။ မျှော်လင့်ခဲ့လျှင်လည်း နားမလည်သောကြောင့်၊ အကြောင်းမသိသောကြောင့် မျှော်လင့်ခြင်းမျိုးပင် ဖြစ်လိမ့်မည်။
ကော်ဖီတစ်ခွက်သည် လူတိုင်ဝယ်သောက်နိုင်သည်။ဘာကြောင့် တောင်းသောက်ရသနည်း ဟူသောအကြောင်းရင်းကို ရပ်စားမိသော အခါ............သူမကြက်သေသေသွားသည်။ သူမထံမှ ထိုကောင်မလေးမျှော်မှန်းခဲ့သည်မှာ ကော်ဖီတစ်ခွက်ထက် သူမကသူ့အပေါ်တွင်
ညှာတာမှု၊ ရင်းနှီးမှု၊ အနစ်နာခံမှု နှင့်စေတနာများ ဖြစ်နိုင်ပါသည်။
လောကတွင်လူနှစ်မျိုး ရှိသည်။ အပေးသမား၊ အယူသမား ဖြစ်သည်။ အပေးသမားကလည်း လောကကြီးသို့တတ်နိုင်သမျှ ပေးကြမည်ဖြစ်ပြီး အယူသမားကလည်း လောကကြီးမှ တတ်နိုင်သလောက် ယူကြပေလိမ့်မည်။ အပေးသမား နှင့် အယူသမား ကို
သတ်မှတ်ထားသော စံနှုန်းများမှာတူညီကြမည် မဟုတ်ပေ။

သင်ကရောဘယ်လိုထင်ပါသလဲ..?